ஆன்மாவின் தேடல்

 பரந்து விரிந்த வானங்களில்

காலையில் புலரும் கதிரவனில்

மழையுடன் கூடிய மின்னல் இடிகளில்

தேய்ந்து வளரும் சந்திரனில்

யாருமற்ற நிசப்பத்தமான தனிமைகளில்

காடுளுடன் நிறைந்த மலை முகடுகளில்

ஆர்ப்பரித்து விழும் நீர் வீழ்ச்சிகளில்

நுண்ணுயிர் பல்லுயிர் நிறைந்த நிலங்களில்

மாலை நேர தென்றல் பொழுதுகளில்

விண்ணில் மின்னி மறையும் நட்சத்திரங்களில்

காரிருருள் சூழ்ந்துள்ள இரவு காலங்களில்

அன்றாடம் சந்திக்கும் மனித இதயங்களில்

நீக்கமற நிறைந்திருக்கும் அண்டவெளியும்

பரம்பொருளாய் இயற்கையில் நிறைந்துக்கொண்டு

மனதிலும் இறையுனர்வாய் சுடரொளி விட்டு

எழுதியவையும் எழுதாதவையுமாக நிறைந்திருக்கும்

இறைவனே உன்னையன்றி ஆன்மாவிற்கு தேடல் ஏது

ஆயிஷாபாரூக்