August 28, 2012

பெற்றால் தான் பிள்ளையா

 
குழந்தை செல்வம்
இறைவனின் கொடையாம்
ஊரார் ஏச உற்றார் தூற்ற
மலடியென சொல்கேட்டு
அழுது தவித்தேன்
மனம் வெதும்பினேன் 

குழந்தையில்லா உள்ளம்
உருகுவதுப் போல
தாயில்லா பிஞ்சு மனம்
ஏங்குவதும் உணர்ந்தேன்
தத்துதெடுத்தேன் வரத்தை
இறைவன் தராத கொடையை

தாய்யென பெயரும் மாறியது
உறவும் உற்றமும் வாழ்த்தியது 
உள்ளமும் மனமும் மகிழ்ந்தது
வாழ்வின் அர்த்தமும் வந்தது
பெற்றால் தான் பிள்ளையா....! 
 
குழந்தை பேரு இல்லாத தம்பதிகள் தங்களின் நிலையை நினைத்து கவலைக்கொள்ள வேண்டாம். உங்களால் முடிந்தால் ஆனாதை குழந்தைகளை தத்தெடுத்து உங்கள் குழந்தையாக வளர்த்துங்கள். பெற்ற அன்னையை விட வளர்க்கும் அன்னையே உயர்ந்தவள்.  வாழ பல வழியுண்டு, மகிழ்வும் துன்பமும் நாம் தேடி கொள்வதே.
 
அன்புடன்
ஆயிஷாபாரூக்