மீனவர்களுக்கு அர்ப்பணம்
கடல் அலையை தாலாட்டாய்
கேட்டு வளர்ந்தேன்
உப்பு காற்றை உயிர் காற்றாய்
சுவாசித்து வாழ்ந்தேன்
கட்டுமர படகினிலே வாழ்கையின்
பயணத்தை தொடங்கினேன்
வலை விரித்து மீன்களை
அதிர்ஷ்ட பொக்கிஷமாய் விற்றேன்
அலை சீற்றமோ புயல் காற்றோ
உயிர் போராடும் சவாலாய் கண்டேன்
தினமொரு பொழுது மற்றொரு வாய்ப்பு
இறப்பும் இழப்பும் கடந்த வாழ்வு
வலை விரிக்கும் எங்களுக்கு
கை விரிக்காமல் அள்ளித்தந்தாள்
அன்னமிடம் என் வளர்ப்பு அன்னை
என் வாழ்விடமான கடல் அன்னை
ஆயிஷாபாரூக்
No comments:
Post a Comment